Proje hetê Komaeleya Hêverî Domanî ra yena viraştene.

10 kitabê klasîkê domanan ê dinya do bi venganê Kurdkî bêrê weşanayîş. Na proje hetê Komeleya Hêverî Domanî ra yena ramitene. Konsolosxaneyê Swîsreyî paştî daya na xebate. Kitabê klasîkê ke do bêrê wendene, hetê Weşanxaneyê Aramî ra bi Kurdkîya Kurmanckî ameybî weşanayîş. Sey gama verêne ya projeye do 10 kitabî bi Kurdkî bêrê wendene.

Tom Sawyer, Pollyanna, Robin Hood, Kontê Monte Kristoyê, Ger û Geştên Gulliver, Pinokyo, Oliver Twist, Kemanjenê Piçûk, Masîreşkê Biçûk, Gera Li Dor Dinyayê Di 80 Rojî De do biveng bêrê weşanayîş.

Komeleye seba projeye dest bi xebate kerda û heta nika tîyatrokaranê Kurdan heta nika veng dayo di kitaban. Goreyê malûmatanê Komeleya Hêverî Domanî do wextêkî kilmî de 8 kitabê bînî zî bêrê wendene. Kitabî do keyepel û hesabanê medyaya sosyale ya komeleye ser ra bêrê weşanayîş. Xebatkarê komeleye vanê ma wazenê nê kitabî bikewê her keye. Kam biwazo eşkeno nê berheman seba kompîture û telefonanê xo biyaro war. Komeleye do badê xêzefîlmanê nê kitaban biviraza û înan Zarok TV û platformanê dîjîtalan de biweşana. Komeleye wazena hûmara kitabanê venginan birasna 100yî.

BÎANET