Pêka nûçeyên belavbûyî li rojên Duşemî û Sêşemî 19 û 20 Pûşperê li bajarên cuda yên Rojhilatê Kurdistan û Îranê 11 kombûnên nerizayetiyê hatine lidarxistin.

Îro roja Sêşemî 20ê Pûşperê, li bajarê Dêhloran yê ser bi parêzgeha Îlamê, kedkarên Kargeha Pêtrokîmî ya vî bajarî bi sedema daxistina vê kargehê û bêkarbûna 2 hezar kedkaran, li hember Îdareya “Fermandarî û Parêzgarî” a vî bajarî kombûn û nerizayetiya xwe nîşan dan.

Herwisa roja Duşemî 19 Pûşperê, li çendîn bajarên wek Kirmaşan, Sine, Meşhed, Şîraz, Ehwaz, Tehran, Kehgîloye û Buyîr Ehmed, Geçsaran, Qezwîn û Sawe” kombûnên nerizayetî yên karmendên malnişînkirî yên Îdareya Muxabiratê û herwisa hin ji werzêrên Qezwînê û beşa xizmetguzariya nexweşxaneya Geçsaran li hember îdareyên pêwendîdar yên bajarên xwe kombûn û daxwaza mafên xwe yên ku ji aliyê karbidestên rejîmê ve hatine xwarin û herwisa daxwaza baştirkirina rewşa jiyana xwe û zêdekirina mafê xwe yê mehane û pirsgirêkên bîmeyên dermanî kirin.

Di wan kombûnan de xelkê nerazî bi dana dirûşiman û bilindkirina pilakardan daxwaza mafê xwe kirin.

Nuçe: Kurdistan Medîa