Merkezê Xeberan - 12 komeleyanê elewîyan derheqê serrgêra Terteleyê Dêrsimî o ke serranê 1937-1938î de amebi kerdene, beyanatêk da. Dezgehan pare kerd ke ganî Gulane biba Roja Terteleyê 38î yê Dêrsimî û waşt ke cayê gorê Seyîd Rizayî bêro eşkerakerdene.

Eşkerayîye de ame parekerdene ke ganî meclîsê Komîsyonê Cigêrayîşî yê Terteleyê 1937-1938î bêro ronayene û polîtîkayê înkarî û asîmîlasyonî yê vera şarê Dêrsimî bêrê qedînayene.

Eşkerayîye de ame vatene ke: ''Ganî dewlete Qirkerdişê Dêrsimî qebul nêkera, şarê Dêrsimî ra efûya xo biwaza û aqîbetê domananê ke terteleyî ra dima dîyayî bêrê eşkerakerdene.''

Eşkerayîye de ame waştene ke ganî projeyê awbendan ê Dêrsimî bêrê batalkerdene.

12 komeleyÊ Elewîyan wina yê: Federasyona Elewî Bektaşiyan, Komeleya Dêrsimijan a Enqera, Komeleya Vartoyijan a Enqera, Komeleya Kulturî ya Divrigi ya Enqera, Komeleya Demokratîk a Elewiyan, Weqfa Anadolu ya Hecî Bektaş a Kulturî, Komleya Kulturî ya Pîr Sultan Abdalî, Federasyona Komeleyê Herêmî ya Kizilirmakî.