14 welatanê Yewîya Ewropa pêkerd ke derheqê koçberan de ê do xomîyan de mekanîzmaya destekî awan bikerê.    14 welatanê Yewîya Ewropa pêkerd ke derheqê koçberan de ê do xomîyan de mekanîzmaya destekî awan bikerê.   

Hewteyo ravêrte wezîrê Karanê Zereyî yê Yewîya Ewropa Helsînkîya paytextê Fînlandîya de cemêyayî û babeta parekerdişê koçberan de pê nêkerdibi.

Wezîrê Karê Zereyî yê Îtalya Matteo Salvînî yo ke babeta koçberan de xeylî çetin o, seba kombîyayîşî vatibi ‚bi ser nêkewta.‘ Dima ra temsîlkarê 14 welatan Fransa de cemêyayî.

Serekkomarê Fransa Emmanûl Macronî vat ke babeta koçberan de seba awankerdişê mekanîzmayêka welatan pê kerdê. Macronî mîyanê 14 welatan ra tena nameyê Almanya, Portekîz, Luksembûrg, Fînlandîya, Lîtvanya, Hirvatistan û Îrlanda da. 

 Macronî vat amacê înan no yo ke seba koçberanê Behrê Sipîyî yê ke xo resnayê welatanê Yewîya Ewropa mekanîzmayêk awan bikerê. Macronî bale ante serê nê çîyî ke amacê înan ra yew zî no yo ke bieşkê sînorrateberkerdişê koçberan asanêr bikerê. 

Yeno pawitene ke do menga Êlule de Malta de zî kombîyayîşêk bêro viraştene û no proje do bi qerarê 15 welatan bikewo pratîkî.