Rewangeha Sûrî ya Mafên Mirovan belav kir, îro berbangê firokeyên nenas (tê gûmankirin ku firokeyên Îsraîlê bin) baregehên hêzên Îranî û mîlîşyayên ser bi wê li herêma Sulasat a ser bi Bokemalê ve bombebaran kirin. Di encamê jî de 9 çekdar hatin kuştin û 2 çekdar jî birîndar bûn.

Rewangehê ragihand jî, îro berbangê baregeheke mîlîşyaya Hizbulaha Iraqî li bajarê Meyadîn a li parêzgeha Dêrazorê ji aliyê firokeyan ve hat bombebarankirin. Di encamê de 7 çekdar hatin kuştin û hejmarek jî birîndar bûn. Rewşa hin birîndaran xirap e û eger heye hejmara kuştiyan zêde bibe.

Ev di demekê de ye, pêr jî Firokeyên Îsraîlê baregehên rêjîma Sûriyê li derdora Şamê û Der’ayê mûşekbaran kirin û di encamê de 5 çekdarên Sûrî û biyanî hatin kuştin û 10 çekdar jî birîndar bûn.