Îstanbul de operasyonê qirkerdişê sîyasîyî de 16 endamê GOÇÎZ-DERî ameyî tewqîfkerdiş

Îstanbul de 3ê hezîrane de sereştişê polîsan de Hemserekê GOÇÎZ-DERî Kamîle Kandal û Mehmet Bogakan zî tede 22 endamê komele ameybî destbendkerdene. 8 rojan ra dima 22 kesî sewqê edlîye ameyî kerdene.

Edlîye de îfadeyan ra dima bi îdîaya 'endamîya rêxistine' Makbûle Altintaş, Veysî Yildiz, Bîlal Yildiz, Îlyas Erdem, Halît Karahan, Zelale Coşkûn, Şeref Kaya, Ramazan Kirkpinar, Cîhan Kartal, Alî Koçyîğît, Îskan Teker, Songule Kose, Îrfan Hulaku, Kamile Kendal, Mehmet Bogakan, Demgule Athan, Suleyman Yildiz, Kiyasettîn Cuheylan, Erhan Ors, Nûrhayate Koçyîğît, Mehmet Baran û  Pinare Konak sewqê Hakîmîya Ceza ya Sulhî ameyî kerdene.

Nînan ra Pinare Konak, Suleyman Yildiz, Îskan Teker, Alî Koçyîgît, Şeref Kaya û Nûrhayate Koçyîgît bi şertê kontrolê edlîyî vera dîyayî, 16 kesê bînî zî tepişîyayî.