Navenda Nûçeyan

Partîyên Kurdî û Kurdistanî li Almanya (Hevkarî) êrîşa Tirkîyê li ser Rojavayê Kurdistanê şermezar kirin û ragihandin, Tirkîyê bi vê êrîşê hebûna Kurd li ser xaka xwe armanc digire.

Duh 9. 19. 2019an, Serokomarê Tirkîyê Recep Teyip Erdogan, destpêkirina êrîşa welatê xwe li ser Rojavayê Kurdistanê ragihand û firokeyên F-16 û piştre topxaneya Tirkîyê dest bi bombebarana gund û bajarên Kurdî yên sînorî kirin.

17 partîyên Kurdî û Kurdistanî li Almanya di daxuyanîyekê de ragihandin, “Roja 09.10.2019an partîyên Hevkarî civîyan, ji bo buyerên dawî li Kurdistana Sûrîya, bi teybet dijminatîya leşkerî ya ku leşkerê Tirkîya bi alîkarîya hêzên Islamî ber bi hemehengîya Sûrî û Enîya Nussra ya girêdayî wê.

Tevan şermezarîya vê êrîşa li ser gelê me ye Kurdî û pêkhatîyên devera rojhilatî Firatê kirin, tekez kirin ku ev êrîş armanca wê dijî hebûna gelê Kurd li ser xaka xwe ya Dîrokî ye, ev Bombebarana ezmanî û tankan û topan li ser gundên me li gel derbasbûna wan li ser xaka aram, pêwîst e hemû hêz û partîyên Kurdî û Kurdistanî li gel rêkxirawên civaka sivîl li dij rabin û bandorekê li civaka navnetewî bikin, daku ev dujminahî raweste û gelê Kurd û pêkhatîyên deverê li rojhilatê Firatê bi nobedarîya navnetewî bêne parastin, herweha biryar dan  ku bi hin çalakîyên dîplomasî û cemawerî aştîyane rabin, Komîte bo vî karê bi lez hatin avakirin û wê nêzîk bêne ragihandin.

17 partîyên Kurdistanî ev in:

1- PDK-Başûr

2- PAK/Rojhilat /

3 - PDK-bakur

4 - PYDKS/Yekîtî/

5 - PYK

6 - PDPKS

7 - PSK

8 - PDK-S

9 - Şepêla pêşeroja Kurdistan Sûriya

10 - PDK-Îran

11- PDK/Rojhilat/

12 - YNK         

13 - PDKS( Partî )

14 - Komala Kurdistan Îran

15 - PIK

16 - PDKS( Elpartî )

17 - PYK-S