Çekdaranê OSOyî bajarê Ezazî de welatîyo Efrînij Reşîd Hemîd Xelîl kiştbî û lajê ey remnabî cayêko nêkifş.

Keyeyê Xelîlî xo resna çekdarê ke Reşîd Hemîd Xelîl û lajê ey remnabî. Keye vano: Ma xo resna çekdarê ke Reşîd Hemîd Xelîl kiştbî. Înan ma ra vato; wexto ke ma Reşîd Hemîd Xelîl kişt, ma lajê ey serbest verada, ma nêzanê Mixemed xelîlo 9 serrî kamca de yo.

Çekdaranê OSOyî ke Efrîn de hukmatê Tirkîya dir pîya xebate kenê 13ê Gulane de hîrê welatiyê Efrînî Şerefedîn Sîdo, Reşîd Hemîd Xelîl û lajê ey o 9 serrî Mihemed Xelîl remnabî û înan rê bi rojan îşkence kerdbî. Reşîd Hemîd Xelîl hetê çeteyan ra amebi qetlkerdiş la aqûbetê lajê ey Mihemed Xelîl û Şerafeddîn Sîdo nêno zanayene.

Heto bîn ra grûba ke şarê Efrînî remnena û kişena amey aşkerakerdiş. Ame aşkerakerdiş ke grûba ke Kurdanê Efrînî remnena û keyeyanê înan ra pere wazena ameya tespîtkerdiş û çeteyêkê na grûbe ameyo kiştiş, çeteyêk zî ameyo tepiştiş. Fotografê çeteyê ke Efrîn de şarê Kurdî rê zulum kenê amê parekerdiş, fotofrafan de zî asîyeno ke yew çete amo tepiştiş, yewê xo zî amo kiştiş.