Merkezê Xeberan - Sînorê mabênê Rojhilat û Başûrê Kurdistanî ser o, hêzê Îranî hêrişê kolberê Kurdî kerd û 2 kolberî amê kiştene.

Goro ke medyaya Rojhilatê Kurdistanî aşkere kerd, vizêr kolberêko Kurd dorûverê sînorê Hengejalî yê wîlayetê Sine û sînorê mabênê Rojhilat û Başûrê Kurdistanî ser o hetê rejîmê Îranî ra amê kiştene.

Kolber Mehmûd Moradî 22 serrî bi û  dewa Qulî Ava ya qezaya Bane ra bi.

Heto bîn ra sînorê mabênê Rojhilatê Kurdistanî û Başûrê Kurdistanî ser o zî  hêzanê Îranî eşt dewa Kanî Zerdê ser o û uca de kolberêko Kurd bi namê Mihemed Îbrahîmzade am kiştene.

Mihemed Îbrahîmzade 37 serre bi û bawê 3 gedeyan bi.

Aşma verîne ra nata 6 kolberê Kurdî sînorê mabênê Rojhilat û Başûrê Kurdistanî ser o bi gulleyanê hêzanê Îranî ra amê kiştene.