Merkezê Xeberan - Wezaretîya Weşîye ya Kurdistanî  aşkere kerd kemîyanê 2 rojanê peyênan de ti kes bi kovid-19 nêkweto.

Herêma Kurdistanî de bi xîretê hukmatê Herêma Kurdistanî û şarê Herêma Kurdistanî virusê Korona qedîyeno hînî.

Gorê beyanatê wezaretîya weşîye Herêma Kurdistanî de:

-Hûmara kesê ke heta nika kewtê binê karantîna 8.410 a.

-Nika 1.491 kesî karantîna de yê. 417 kes Hewlêr, 219 kes Silêmanîye, 826 kes Duhok û 29 kes zî Raperîn de binê karantina de yê.

- 6,919 kesî karantina ra vejyayê û şîyê keyeyanê xo.

-63 kesî vîzîr ra nat kewtê karantîna.

- Mîyanê 24 sasetanê peyênan de 1.123 testî amê kerdiş. Mîyanê înan de testê ti kesî pozîtîf nêvejyayo.

-Kesê ke heta nika bi kovid-19 kewtê, hûmara înan 337 a.

-Heta nika zî 4 kesî merdî, 304 kesî baş bîyê.