21 rêxistin û komeleyanê ziwanî vera qedexekerdişê konser û tîyatroyanê kurdkî nêrazîbîyayîşê xo mojna û vat: ''Vera qedexeyan ma do her warê cuye de ziwanê xo bipawê.''

Torra Ziwan û Kulturê Kurdan, Merkezê Komelê Mezopotamya û Enstîtuyê Kurdkî yê Îstanbulî zî tede 21 rêxistin û komeleyanê ziwanî bi eşkerayîyêke vera qedexekerdişê konser û tîyatroyanê kurdkî nêrazîbîyayîşê xo mojna.

Eşkerayîya hempare de ame vatene ke hêrişê vera kurdkî bi hawayêkê sîstematîkî dewam kenê û bale ameye antene qedexekerdişê konseranê Aynure Dogan û Metîn Kemal Kahramanî û kayê Tîyatroyê Mencelî ser.

Eşkerayîye de wina ame vatene: ''Ma zanenê ke bahaneyê seba betalkerdişî ameyî pêşkêşkerdene bahane yê, babeta esase na ya ke kurdî wayîrê ziwan û kulturê xo vejîyenê. Şar rixmê qedexe û astengîyan zî do kurdkî bipawo. Ma do tim ziwanê xo bipawê, her ca de bi ziwanê xo yê dayîke deyîran vajê û cewabê lazimî bidê. Nê hêrişî têna eşkenê bibê sebeb ke waştişê ma yê pawitiş û averberdişê kurdkî bizêdîyo. Şarê kurdî do vera qedexe ûy hêrişan ziwanê xo ra fek vera medo. Vera nê qedexeyanê serê kurdkî ma do her ca de ziwanê xo bipawê.''

Nê komele û rêxistinan morê xo da binê eşkerayîye"Tevna Çand û Zimanê Kurd, Navenda Çanda Mezopotamyayê, Komeleya Lêkolînê ya Çand û Zimanên Mezopotamyayê, Enstîtuay Kurd a Stenbolê, Enstîtuya Kurd a Amedê, ARSÎSA Ziman, Komeleya Navenda Lêkolînên Çand û Hunerê, Komeleya Wêjevanên Kurd, ARÎ-DER Komeleya Lêkolînên Çand û Ziman, Komeleya Birca Belek, Komeleya Lêkolînên Çand û Ziman-AVESTA, Komeleya Lêkolînên Çand û Ziman a Ferat, Platforma Komeleyên Rojhilat Başûrrojhilat, Federasyona Komeleyên Mûş, Federasyona Komeleyên Şîrvan, Federasyona Komeleyên Wanê, Federasyona Komeleyên Îdirê, Federasyona Komeleyên Êlihê, Federasyona Komeleyên Dep Xarpêtê, Platforma Patnosiyan li Stenbolê, Kovara Destar û Komeleya Ekolojî."