Proseya serîlêdana namzediyê ji bo hilbijartinên Parlamentoya Kurdistanê îro bi dawî dibe. Heta niha 22 partiyên siyasî navê xwe tomar kirine.

Li gor zanyariyên ku ketine destê K24ê, heta niha 22 partiyên siyasî, 2 hevpeymanî û zêdetirî 72 berbijêran navê xwe tomar kirine.

Berdevkê Tevgera Îslamî ya Kurdistanê Ebdullah Wertî ji K24ê re ragihandiye: “Ji bo diyarkirina roja hilbijartinan heta niha bi me re hevdîtin nehatiye kirin. Me li herêmên Hewlêr, Silêmanî û Helebce navên xwe tomar kirin û lîsteyên xwe yên namzetan radestî komîsyonê kirin.”

Berpirsê Ofîsa Hewlêrê ya Komisyona Bilind a Serbixwe ya Hilbijartinan a Iraqê Merwan Mihemed ragihand, hemû amadekariyên hilbijartinên Parlamentoya Kurdistanê bi awayekî asayî berdewam dikin û ew pêşbînî dikin ku roja hilbijartinan ji aliyê Serokatiya Herêma Kurdistanê ve were diyarkirin.