Merkezê Xeberan - Bajaranê Bakurê Kurdistanî de hûmara nahîye, taxe û dewê ke semedê vilabîyayîşê vîrusê koronaya newîye Covid-19 gêrîyenê bînê karantina zêde bena.

Sêrt de nahîyeyêk, 8 dewê Êlihî û 20 adresî û Çewlig de zî dewêk rîyê vilabîyayîşê janê Korona ra gêrîyay bînê karantîna.

Sêrt de nehîyeya Civankan 17ê na aşme de hetanî 14 rojan gêrîya bînê karantina.

Qezaya Êlîhî Hazo de zî  seba tedbîranê virusê Korona taxêk û 8 dewî gêrîyay bînê Karantîna.

Çewlîg de zî dewa qezaya Kanîreşî Geylan de testê Korona yê tay kesan pozîtîf vejîya û dewe seba 14 rojan gêrîya bînê Karantîna.

Tirkîya û Bakurê Kurdistanî de heta nika 182 hezar û 727 kesî bi Covîd-19 kewtê û 19 kesî zî virusî ra merdî.

Tirkîya û Bakûrê Kurdistanî de heta nika 4 hezar û 861 merdimî rîyê janê Korona ra merdî.