Merkezê Xeberan-Hemşaredarê Partîya Demokratîke ya Şaran (HDP) yê Gimgim Kop û Lîzî yê Mûşî yê ke ameybî tepiştis wezîfeyî ra ameyî girewtene û herinda înan de qeyûmî amê tayînkerdene.

Hemşaredara qezaya Gimgimî Ulku Karaaslan, Hemşaredarê qezaya Kopî Adnan Topçu û Hemşaredarê bajarekê Lîzî Dîlaver Keskîn yê ke vizêr sereştişê keyeyanê înan de ameybî tepiştene bi qerarê Wezaratê Karanê Zereyî bi îdîaya ’propagandaya rêxistene‘ wezîfeyî ra ameyî girewtene.

Walîtîya Mûşî da zanayene ke Qeymeqamê Kopî Mehmet Îlîdî şaredarîyanê Kop û Lîzî de Qeymeqamê Gimigimî Ertugrul Avci Şaredarîya Gimgimî de sey qeyûm ameyê wezîfekerdene.

Pîya bi qeyûmanê peyênan 3 bajarê pîlî, 25 qeza û 3 nehîyeyan de şaredarîyanê HDPyî rê qeyûm ame tayînkerdene. 19 hemşaredarê nê şaredarîyan ameyî tepiştene û 5ê înan zî hema nezaret de yê.