Merkezê Xeberan - Heta nika 4 hezar û 340 tenî Bakûrê Kurdistanî û Tirkîya de rîyê virusê Korona ra merdî.

Vizîr ra nata zî Bakûrê Kurdîstanî û Tirkîya de 32 kesê bînî Korona ra merdî û hezar û 141 kesanê bînan de nêweşî amey tesbîtkerdene.

Wezîrê Weşîye Fahrettin Kocayî hesabê xo yê Twîtterî ser ra derheqê rewşa peyêne ya vîrusê Korona de zanayîş da.

Goreê beyanatê Kocayî vizîr ra nata Bakûrê Kurdîstanî û Tirkîya de 32 kesê bînî merdî û hezar û 141 kesanê bînan de nêweşî amey tesbîtkerdene. Bi no qayde kesê ke heta nika merdî hûmara înan bîy 4 hezar û 340 û hûmara kesê ke pê nê janî kewtî bîy 156 hezar û 827.