37 dezgehanê sûryanî, keldanî û asûrîyan seba Hûrmuze Dîrîl mektub erşawit û aqîbetê aye persa. Dezgehan seba eşkerakerdişê kişîyayîşê Şîmunî Dîrîlî veng da ke 70 rojan ra dima cenazaya ci dîyabî.

Hûrmuze û Şîmonî Dîrîl dewa Mehrî ya qezaya Elkê ya Şirnexî de 11ê çeleyê 2020î de hetê kes yan zî kesanê nenasan ra ameyî remnayene. Cenazaya Şîmonî Dîrîlî 70 rojan ra dima 19ê adare de qeraxê Çemê Hêzilî de ameye dîyene. Aqîbetê Hûrmuze Dîrîl hema nêzanîyeno. Raporê otopsî yê Şîmonî Dîrîlî nêame eşkerakerdene û derheqê serebûtî de bira 'bêteqîbîye' dîyaye.

37 dezgehanê sûryanî, keldanî û asûrîyan seba Hûrmuze Dîrîl mektub erşawit û aqîbetê aye persa. Dezgehan seba eşkerakerdişê kişîyayîşê Şîmunî Dîrîlî veng da.

Mektub Parlamentoya Ewropa, wekîlanê Ewropa, Komîsyonê Ewropa û Masaya Anqara ya Komîsyonî rê sersefîrîyanê Tirkîya û rêxistinanê heqanê merdiman ra erşawîya.

Peynîya mektubî de wina ame vatene: ''Hêrişê vera Şîmonî û Hûrmuze û kulturê bêcezaverdayîşî yê dewlete beno sebeb ke mesîhîyê ke agêrayî waranê xo zulm bivînê. Coka ma qerqilîyenê û Tirkîya û Wezaretê Edaletî ra wazenê ke derheqê dewa de tehqîqatêkê cidîyî bikerê û mesuldaran eşkera bikerê.''