Li parêzgeha Reqayê 4 endamên hêzên asayişa Rêveberiya Xweser di êrîşeke çekdarên DAIŞê de hatin kuştin.

Rewangeha Sûrî ya Mafên Mirovan belav kir, çekdarên DAIŞê êrîşî rêbendeke Hêzên Ewlekariya Hundirîn (Asayiş) li rojavayê Reqayê kir û di encamê de 4 endamên Asayişê hatin kuştin û 3 endamên din jî birîndar bûn.

Heta niha Hêzên Ewlekariya Hundirîn derbarê wê bûyerê de ti daxuyanî nedane.

Di dema dawî de êrîşên çekdarên DAIŞê bi awayekî berbiçav zêde bûne û li beyabana Sûriyê (herêma di navbera Heleb, Reqa, Dêrazor û Reqayê de) gelek caran êrîşî hêzên rêjîma Sûriyê kirin û gelek leşkerên artêşa Sûriyê û çekdarên mîlîşyayên ser bi wê ve kuştin.