Biryar e kampên penaberên sûrî yên li bajarên Dîlok, Semsûr û Mêrdînê bên girtin û penaberên tê de li kampên li bajarên Riha, Kilîs û Hetayê ku li ser sînorê Sûriyê ne, bên bicihkirin.

Hat diyarkirin ku di wan kampan de bi giştî 34 hezar û 180 penaberên Sûriyê di wan kampan de dimînin û herwiha hat gotin ku di nava mehekê de ew penaber dê bo wan kampên li ser sînor bên vegihastin.

Serokkomarê Tirkiyê Recep Tayyip Erdogan berî hilbijartinên 24ê Hezîranê di axaftina xwe ya li Dîlokê gotibû armanca wan ew e ewlekariyê pêk bînin ku penaberên Sûriyê vegerin welatê xwe.

Veguhastina penaberan bo deverên sînor jî di vê çarçovê deweke gava destpêkê tê dîtin.