Wezareta Pêşmerge ya Kurdistanê ragihand, hikûmeta Kurdistanê dê alîkariya malbatên şehîd û birîndarên şerê DAIŞê bike.

Sekreterê giştî yê Wezareta Pêşmerge, Cebar Yawer ji BasNewsê re got, li ser daxwaza me hikûmetê rizamendî nîşan daye ku 5 milyon dînar (nêzîkî 4 hezar dolar) bide her malbateka şehîdên şerê DAIŞê û milyonek dînar jî bide her birîndarekî şer.

Li gorî amarên ku Wezareta Pêşmerge belav kiriye, di şerê DAIŞê de hezar û 726 pêşmerge û karmendên ewlehiyê şehîd bûne, derdora 10 hezar pêşmerge û çekdar jî birîndar bûne.