Navenda Nûçeyan - Endamê Lijneya Rêveberîya Navendî ya Komeleya Mafê Mirovan (IHD) Parêzer Racî Bîlîcî bi îdaya “endamtîya rêxistinê” doz lê hatibû vekirin. Dadgehkirina Bîlîcîyî îro li li 5em Dadgeha Cezayê Giran a Amedê pêk hatîye.

Bîlîcî, parêzerên wî û gelek parêzer û mafparêz li danişînê amade bûne.

Di danişînê da dozger nêrîna xwe ya bere dûbare kirîye û xwestîye ji 7 heta 15 salan ceza li Bîlîcîyî were birîn.

Bîlîcîyî di parastina xwe da gotîye: “Min 22 salan mamostetî kir. 3 meh piştî derbeyê ez ji kar hatim dûrxistin. Ji bo ku parêzertîyê bikim min ji peywira xwe îstîfa kir. Ez niha weke parêzerêkê li pêşberî we me. Bi salên dûr û dirêj min parazvanîya mafên mirovan kir û bi awayekê çalak xebitîm. Min rêvebertîya IHDê û Serokatîya Şaxa IHDê ya Amedê kir. Em weke parazvanên mafên mirovan, bin pê kirinên mafan tespît dikinû weke rapor di weşînin. Ji bo ku c arek din binpê kirinên mafên mirovan neyîn jîyîn, me hevdîtin bi rayedar û desthilatên sîyasî ra kirine, ji bo ku şer û pevçûn rû nedin, me bi dehan caran hevdîtin bi desthilatdarîya sîyasî re kir. Ez beraeta xwe dixwazim.”

Piştî parastina Bîlîcîyî û parêzeran, heyeta dadgehê Bîlîcîyî  bi îdiaya “Endamtîya rêxistinê” bi 6 sal û 3 mehan mehkûm kirîye

MA