Îsmaîl Uzmez seba keyeyê xo yê qedexekerdeyî mucadelê keno û vano, “Seba ke ez şerî keyeyê xo ganî ez destûr bigerî. Ez bizanî ez mirena, ez reyna zî mile xo çewt nêkena. Tîya şeref û nasmaneyê min o.”

Qezaya Sûrî ya Dîyarbekirî de qedexeyê tebervejîyayîşî ame îlankerdiş û o ê wextî ra nat welatîyî nêşkenê bikewê keye û karxaneyanê xo. Welatîyî mehlayan ra ameyê vetiş û înan zî tewir-tewir cayanê bajarî de ca da xo. Dewlete va yan şima pereyanê ke ma danê şima, şima qebul kenê yan zî ma Tokîyan de bi deynî daîreyan danê şima. Înan ke zehmetî antê qebul kerd û şîyê Tokîyan. Keyeyan seba bananê xo yê xirabî û par ra mendeyan bi seran ra nat mücadele kerd û raştê xeylê zehmetîyan ameyê. Welatîyan va ê ma xercilnenê. Ma zanê ke keyeyê ma ameyê kinitiş û tede xezînayî ameyê gêrayene. Înan v ama bizanê sereye ma zî tede şino, ma do milê xo çewt mekerê. Keyeyê ke ameyê qedînayîş zaf vayî ameyê rotiş û feqîr-fiqareyî nêeşkayî bananê xo têpîya bigerê.