Qezaya Bêdlîsî Tetwan de 9 endamê Encûmenî yê Beledîyeya HDP gure ra amê vetene. 

Qezaya Bêdlîsî Tetwan de 9 endamê Encûmenî yê Beledîyeya HDP gure ra amê vetene. Weçînayîşê mehelî de HDP Tetwan de bi 14 endamê Encûmenîya Beledîye meclîse de bibî partîya yewine la beledîya kewtbî destê AKP.

Waştişê walîtîyê Bidlîsî ser o, Wezaretîya Karanê Zereyî 9 endamê Encûmenî yê Beledîyeya HDP, bi sebebê derheqê înan de tehqîqat esto beledîye ra vet.Kesê ke beledîye ra amê vetiş vane: Derheqê ma de tehqîqat weçînayîş ra pey amo akerdiş. Semedo ke beledîye de endamê encûmenî yê AKP ê HDP ra kêmî bî, no qerar amo girewtiş.

Heto bîn ra qezayanê Wanî Bazîd Axa û Elbak de 18 kesî hetê polîsan ra amê tepiştiş û mîyanê ê kesan de Hemsereka Beledîyeya Çaldiranî Leyla Aksak zî esta. Seke yeno zanayîş Hemserekîya Leyla Alsak zî hetê YSK ra seba ke KHK ra verî ameya îxrackerdiş ameybî betalkerdiş û beledîyeya ke HDP qezenc kerdbî dîyabî partîya diyîne AKP.