Şewata li çiyayê Giwêjeyê li Silêmaniyê piştî ku ji aliyê tîmên Berevaniya Şaristanî ve hat kontrolkirin, dîsa derket û tîm ji bejahî û asman ve hewl didin vemirînin.

Peyamnêra K24ê li Silêmaniyê got: Piştî ku agir bi beşeke çiyayê Giwêjeyê ket û piştre hat kontrolkirin, îşev careke din derket û heta niha nehatiye kontrolkirin.

Peyamnêra me amaje bi wê yekê kir, ji ber ku cihê agir lê derketiye zehmet e û gihîştina tîmên Berevaniya Şaristanî bi rêya bejahî zehmet e, lewma hewl didin bi firokeyan vemirînin.

Diyar kir jî, agir li nêzîkî navçeyeke niştecihbûnê ketiye û tîmên Berevaniya Şaristanî hewla kontrolkirina wê didin.

Demek e nûçeya çêkirina projeyekê li çiyayê Giwêjeyê belav bûye û ev jî bûye cihê nerazîbûna xelkê Herêma Kurdistanê.

Têkdana çiyayê Giwêjê, bûye sedema nîgeraniyeke cidî di nav jîngehparêzan û welatiyên Silêmaniyê de û têkdana çiyayê Giwêjê, wek pêngavekê ji bo têkbirina sîma û jîngeha Silêmaniyê dinirxînin.