Serekwezîro verên Ahmet Davûtoglûyo ke amebi waştene ke bi leze AKP ra bêro îxrackerdiş, pê yew beyanatê çapmenî aşkere kerd ke, AKP ra îstîfa kerdo.

Ahmet Davûtoglû,  Hetkarê Serekê Pêroyî yo verên ê AKP'yî Selçûk Ozdag, wekîlo verên ê AKP' yê Stenbolî Abdûllah Başçi û wekîlo verên ê AKP' yê Sakarya Ayhan Sefer Ustunî reyde pîya beyanat da çapemenîye da û îlan kerd ke înan AKP ra îstîfa kerdo.

Davûtoglûyî  va, qerarê îxrackerdişî yo ke seba înan amo dayîş yeno a mana ke AKP êdî tasfîye bena.

Vajîyeno ke îstîfaya Davûtoglûyî ra dima do 100 heb parlementerê AKP, AKP ra îstîfa bikê û AKP vera-vera perçe biba.