Dermankirina ajalên di şewata navbera Diyarbekir û Mêrdînê de şewitîn, ji aliyê Şaredariya Bajarê Mezin a Diyarbekirê ve, li Navenda Lênihêrîn û Rehabîlîtasyonê ya Ajalan berdewam e.

Şaredariya Bajarê Mezin a Diyarbekirê bi 6 wesayitên agirkujiyê û 60 xebatkaran di hewara şewata ku li qadeke 66 kîlometreyen çargoşe daye ber xwe, çû. Piştî şewat hat vemirandin ji bo dermankirina ajalên ku di şewatê de birîndar bûbûn, Navenda Lênihêrîn û Rehabîlîtasyona Ajalan a Midûriyeta Karên Tenduristiyê seferber bû.

Di dema şewatê de, tîmên Şaredariya Bajarê Mezin a Dîyarbekir, Wan, Mêrdînê û Zanîngeha Dîcleyê beşdarî xebatên vemirandina agir bûn. Tîman li qada şewatê gelek ajal derman kirin. Destpêkê ajalên ku birîndar bûbûn, bo Navenda Lênihêrîn û Rehabîlîtasyonê ya Ajalan hatin veguhastîn û digel tîmên Şaredariya Beşîktaşa navçeya Stenbolê hatin dermankirin.

Gerînendeyê Navenda Lênihêrîn û Rehabîlîtasyona ajalan Jêhat Altun, diyar kir ku wan wek Midûriyeta Tenduristiyê ji kêliya yekem ve midaxaleyî qadê kirine û ajalên birîndar bi kordînasyona Odeya Veterînerî ya Dîyarbekirê, Rêveberiya Parêzgeha Çandiniyê û Zanîngehê derman kirine.

Altun wiha got: “Di roja yekem de, dermankirina pewist a 11 ajalên birîndar hat kirin. Roja din ji bo derzîlêdana tetanosê ev ajal hatin şandin Stenbolê. Di roja duyemîn de tîmên Şaredariya Beşîktaşê çûn herêma ku şewatê û li wir dermankirina pêwîst a pez û ajalên din hat kirin. Hespek jî di nav de, dermankirina 11 sewalên din jî berdewam dike. Piştî dermankirina wan biqede, ew ê heywanan li xwediyên wan vegerînin.

Hejaye gotine ye di şewate de, 924 ajal mirar bûn, nezî 300 ajal hatin serjekirin û bi sedan ajal jî birîndar bûbûn.

K24