Partîya Serekkomar Recep Tayîp Erdoganî AKP weçînayîşê mehelî yê 31ê Adare de qewetê xo vindî kerd û Kurdê ke Îstanbul de ciwîyenê desteg nêdabî AKP.AKP ke nêeşkena Kurdan ra desteg bigîro cigêrayîş kena ke Kurdî qey nê weçînayîşî de desteg nêda AKP? 

Hetkarê Serekê Pêroyî yê AKP Azmî Ekîncîyî seba ke AKP nêeşkena Kurdan ra desteg bigîro acizîya xo îfade kerd.  Hetkarê Serekê Pêroyî yê AKP Azmî Ekîncî vano: Semedo ke Serekkomar Recep Tayîp Erdoganî weçînayîş ra ver Kurdan ra vato: Eke şima Kurdistan wazenê şênê Iraq û welatê ma terdk bikerêne. Aye ra Kurdan desteg nêda ma.

Azmî Ekîncîyî wina va: Mi mîyanê heme weçînayîşan de ca girewto. Wexto ke ma verî şîyêne mîyanê şarî şar desteg dêne ma û seba ma muhasebeyêk nêkerdêne. La nika wina nîyo. Şar her çî pers keno û ma rê hesab pers keno. Azmî Ekîncîyî ra ame perskerdiş ke qey Kurdan Îstanbul de desteg da namzetê CHP Ekrem Îmamolu û naye ser wina va: Semedo ke ma HDP sey ‘terorîst’ nişan da û înan ra va ‘eke hesabê şima nêno welatê ma terk bikerên,  şênê Iraq’ Kurdê ke Îstanbul de manenê desteg day CHP.Azmî Ekîncîyî îdîa kerd ke eke Serekkomar Erdoganî Kurdistan rê dişmenetî nêkerdêne beno ke Kurdî îstanbul de desteg bidêne înan