Wezîrê Ekonomî yo verîn Alî Babacan o ke AKP ra îstîfa kerdo û nika keno ke partîyêka newîye rono, demê awankerdişê partîya xo eşkere kerd. Partîya Babacanî do heta serra newîye bêra awankerdiş.

Babacanî derheqê programê partîya xo de rojnameyê Kararî rê qisey kerd. Çareserkerdişê meseleya Kurd zî program û xebata partîya ey de ca gêna. Gorê  Babacanî meseleya  Kurd bi şîdet nêna safîkerdiş. Çareserî bi demokrasî bena. Babacanî tayînkerdişê qeyûman zî rexne kerd.

Tirkiîya nêzdîyê serrêk a meraq kena ke ka partîya Alî Babacanî key yena ronayîş û wazena se bika.

Babacanî derheqê partîya xo ya newîye de qisey kerd û aşkera kerd ke partîya ey do heta serra newîye bêra ronayîş. Alî Babacanî aşketa kerd ke partîya înan do heta 4 mengan bêra ronayîş.

Babacanî ra ame perskerdiş ke gelo Serekkomaro verîn yê Tirkiya Abdullah Gul do mîyanê partîya ey de ca bigîro yan ney.  Babacanî va: Abdullah Gul do desteg bido partîya newîye.

Alî Babacan derheqê meseleya Kurde de vano: Safîkerdişê na mesela programê ma de ca gêno. Na mesela bi şîdet safî nêbena, bi demokrasi safî bena. Seba safîkerdişê na mesela stratejiyêka newîye û xebate lazim a.

Babacanî tayînkerdişê qeyûman zî rexne kerd.