Merkezê Xeberan- Akademîsyên Alî Kemal Ozcanî çend rojî verê Weçînayîşê Stenbolî yê 23ê Hezîrane serekê PKK Abdullah Ocalanî reyde pêvînayîş kerd û mektubo ke Ocalanî bi xo nuştbî verê kamerayan de wendbi. Akademîsyên Alî Kemal Ozcan bi bahaneyê ‘Saetanê xebatî de seyahat kerdo’ Serekatîya Beşê Komelnasî yê Unîversîteya Munzurî ra ame girewtene.

Ozcanî naye ser beyanatêk da û va: “Ez seba pêvînayîşêk şîya Anqara. Ame tesdîqkerdene ke mi biletê teyareyî saetêk û nêmî verê saetê xebatî peynî bibo, birnayo. Rayîrverîya unîversîte zî tehqîqat da destpêkerdene û no sebeb ra ez wezîfe ra ameya girewtene.