Wezîrê Derve yê Almanya Heiko Maas, derbarê krîza navbera Îsraîl-Filîstînê de daxuyanî dan û got, sedema alozî û tundiya van rojên dawî li Rojhilata Navîn Hemas e.

Maas di axaftina xwe ya meclîsa federal de got, “Xelk neçar dimînin bikevin stargehên li Orşelîm û Tel Avîvê. Em van êrîşan bi tundî şermezar dikin. Tiştên ku li Mescîdî Aksa bûne êrîşan mafdar dernaxe. Mafê Îsraîlê ye gelê xwe biparêze.”

Wezîrê Alman diyar kir ku wan planeke 3 qonaxan bo çareseriyê pêşniyar kiriye û pêwîste Hemas terora fuzeyan demildest bidawî bîne ku di vê rêwşê de hevdîtinên bo agirbestê nayên kirin.