Heta nika çend welatê sey Rûsya, Amerîka, Brîtanya, Fransa û Çîn semede vînayîşê dermanê vîrûsê Korona xebate kerdbî. Mîyanê nê welatan de Rûsya bi namê Sputnik V derzînêk aşkere kerdbî.

Tewr peynî zî Almanya, bi hemkarîya Şîrketê Pfîzerî yê Amerîka, derzîna vîrûsê Korona (Covid-19) viraşt.

Prof. Dr. Ugur Şahinî kanalê CNNî rê va: “Bi hemkarîya dermansazanê Amerîka û Almanya, şîrketê Biontech û Pfizerî derzîna vîrûsê Korona hadre bî. Derzine do mîyanê aşmêk de hadre biba û dima ra bêra vilakerdene.”

Şahinî va, taybetîyêka na derzine esta. Ez bawerîya xo bi na derzine ana. Ez hêvî kena na derzine do semedê nêweşanê Korona biba derman.”