Merkezê Xeberan - 4 kuçeyanê Baglarî yê Amedî gêrîyabî binê karantîna û netîceya xebata ekîpanê fîlyasyonî de 153 waqayê vîrusê Korona ameyî tesbîtkerdene.

Amed dee ewro mucbûrîyetê xebitnayîşê maske dest pêkerd, la çiqas şino hûmara waqayan zêdîyena.

Key ke waqayî zêdîyayî 4 kuçeyanê qezaya Baglarî yê Amedî gerîyayî binê karantîna û ekîpanê fîlyasyonî tede xebate kerde. Kuçeyê 839, 851, 852 û 853. yê taxa 5 Nîsane, 6ê hezîrane ra nata binê karantîna de yê. Kuçeyan de dekewtiş û vejîyayîş qedexe yo. Ekîpanê fîlyasyonî heta nika nê kuçeyan de 190 testê vîrusê Korona kerdî û înan ra 153ê ci pozîtîf vejîyayî.