Merkezê Xeberan- Çarçewa tehqîqatê Serdozgerîya Komare ya Amedî de 8ê kanûne de bi hetkarîya tîmanê Fermandarîya Cendirmeyan 24 kesî ameybî tepiştene.

5 rojan ra dima Kasim Eken (40) o ke hişê xo ra astengdar o ame veradayene. 23 kesê bînî tehqîqatê Şûbeyê TEMî yê Mudirîyetê Asayîşî yê Şaristanî ra dima sewqê Edlîyeyê Amedî ameyî kerdene. Kesê ke ameybi destbendkerdene û îşkence bi înan ame kerdene bi sucanê 'endamîya rêxistine', 'hetkarîya rêxistine' û peydakerdişê madeyanê teqebaran ameyî sucdarkerdene.

21 kesî îfadeyan ra dima sewqê Mehkema Cezaya Sulhî ya Nobetdare bîy û bi îdîaya 'endamîya rêxistine', 'hetkarîya rêxistine' û 'peydakerdişê madeyanê teqebaran' amey tepiştene, 2 kesî zî bi şertê kontrolê edlîyî amey veradayene.

Nameyê kesê ke ameyî tepiştene wina yê: Abdullah Eken, Botan Eken, Hogir Eken, Firat Çîftçî, Îsmet Akar, Îsmet Yildiz, Yasîn Çîftçî, Abdulkadîr Yagar, Ahmed Derse, Ahmet Dogan, Mahmût Birak, Mhemet Akyuz, Zekî Guçlu, Vahdettîn Aktaş, Fatîh Guçlu, Hakan Yildiz, Salîh Donmez, Îbrahîm Çîftçî, Lokman Çîftçî, NAît Toprak û Recep Çîftçî.

Îbrahîm Bultu heman tehqîqatî de ame tepiştiş û D. Ekeno ke 12 roj ê Şûbeyê Domanan ê Mudirîyetê Asayîşî de ameyêne vindertene bi şertê kontrolê edlîyî ameyî veradayene.