Merkezê Xeberan - Amed de hûmara kesê ke bi janê Korona Covît-19 kewtî zêde bena. Heta nika 24 hezar û 495 kesî  binê karantîna de yê.

Her çiqa zî Teşkîlatê Weşîye yê Dinya (WHO)  seba tedbîran îqaz keno zî tedbîrî nênê girewtiş û virusê Korona roj bi roj vila beno.

WHOyî her çiqas zî îqaz kerd zî hukmatê AKPyî qerarê "normalbîyayîşî" da û tedbîrî kerdî sist.

Amed de zî janê Korona roj bi roj vila beno û hûmara kesê ke bi virusê Korona kewenê zêde bena. Gorê malumatê Mudirîya Weşîye ya Amedî, Amed de 24 hezar û 495 kesî karantîna de yê.

Hûmara kesê ke Amed de binê karantîna de yê wina ya:

Peyas 6 hezar û 430, Rezan 5 hezar û 698, Yenîşehir 3 hezar û 498, Sûr Hezar û 626, Silîvan Hezar û 393, Bismîl Hezar û 358, Erxenî hezar û 13, Çêrmûge 645, Çinar 599, Pîran 488, Licê 394, Şankuş 356, Hêni 321, Pasûr 260, Gel 171, Karaz 157, Hazro 88.

Heto bîn ra dewa Barbînî ya Erxenî zî wexto ke testê Korona yê kesêk pozîtîf vejîya, dewe gêrîya binê karantîna.