Amed de cinîya ke bi hawayêkê sîstematîkî şîdet dîyêne ameye qetilkerdene. Isparta de zî cinîyêke hetê camêrdo ke tede zewijnaye bîye ra kişîyaye.

Qezaya Rezanî ya Amedî de  cinîya bi nameyê Şengule Okay bi hawayêkê şikdarî dinyaya xo bedilnaye. Goreyê agahîyan Şengula ke 15 serrî yo zewijnaye bîye, mêrdeyê xo ra bi hawayêkê sîstematîkî şîdet dîyêne, ge ge şîyayêne keyeyê bextwaştişî la hetê keyeyê xo ra ameyêne 'îqnakerdene' ke abigêra keyeyê xo.

Şengule vizêr bi hawayêkê şikdarî dinyaya xo bedilnaye û mêrdeyê ci zî remayo. Cenazaya Şengule do Farqîn de bêra definkerdene. 

Dewa Buyukgokçelî ya Isparta de Sezere Işik hetê Yaadîgar Işiko ke tede zewijnaye bîye ra ameye qetilkerdene.  Cînayetî ra dima faîl rema û hema zî nêame dîyene.