Taxêka Pasûrî de 5 tutî qursê Kuranî de raştê hêrişê cînsî yê îmam Hamdusena C. ameyî. Îmam gerreyê tutan ra dima ame destbendkerdene.

Tutan verê cû keyeyanê xo ra qala hêrişê cînsîyî kerde la keyeyan pê bawer nêkerd. Dima tutan mamostayê xo ra qala hêrişî kerd. Dima ke mamostayî xebere da cendirmeyan, îmamo tacîzker ame tepiştiş.

Heto bîn ra dîya zanayîş ke semedo ke keyeyî gerre nêkerê qoricîyî muxtarê dewe û keyeyan tehdît kerd . 

Şahîdêko/a ke nêwaşt nameyê xo bido/a eşkera kerd ke dewe de verî zî qoricîyêk tutêke rê tecawuz kerdo. Şahîdî vat: ''Serra 2017-2018î de qoricîyêk tecawuzê tutêke kerd. Tuteke digane bîy û dima dewlete dergûşê tute girewt. Labelê qoricî nêame destbendkerdene. Qoricîyan serebût kerd mîyan. Nika zî wazenê nê serebûtî mîyan bikerê. Muxtar û qoricîyî gêrenê keyeyan û vanê 'Gerre mekerê, gerreyê xo apey bigêrê.' Bedenê tutan sîya û kewe bîyê. Îmam tutan rê şîdet zî kerdo.''

Ame parekerdene ke dozgerî îfadeyê 5 rutan girewto û persê 'tacîz çî yo' tutan ra pers kerdo.