Merkezê Xeberan - Amed nêweşxaneyanê cîyayan de 9 xebatkarê weşîye, 5 domanî zî tede weşkerdişê 171 nêweşanê vîrusê Korona dewam keno.

Ame zanayene ke nêweşxaneyan de testê vîrusê Korona yê 137 kesan pozîtîf vejîya û înan ra 20 kesî zî servîsê ciewnîyayîşê giranî de yê. 6 kesê ke testê înan pozîtîf vejîyayî qezaya Farqînî ra yê û qeza de 8 kesî zî pê şikê vîrusê Korona keyeyê xo de gêrîyayî binê karantîna.

Hetêo bîn ra ame zanayene ke amed de 9 kedkarê weşîye semedê janê vîrusê Korona ra nêweşxaneyan de yenê weşkerdene û înan ra testê 7 kedkaran zî pozîtîf vejîya. Rewşa weşîye ya kedkarêkî/e zî xirab a.

Qezaya Erxenî yê Amedî de zî keyeyêk de bînaya rayîrê Dîcle de nişeno ro vîrusê Korona ame tesbîtkerdene. Dima ke endamêkê/a keyeyî de vîrus ame tesbîtkerdene pêro endamê keyeyî gêrîyayî binê karantîna.

Goreyê zanayîşan lajê nêweşêka/o ke nêweşxane de ameyêne weşkerdene de zî vîrus ame tesbît kerdene ke laj nêweşxane de hetê nêweşî/e de mendêne. Dima daîreya keyeyî gêrîyaye binê karantîna.