Rêxistinanê Komelê Sîvîlî yê Amedî bale ante grevê vêşanîyean ser û va: ''Eke waştişê tepişteyan nêrê ca netîceya ci bena giran.''

Komeleya Heqanê Merdiman (ÎHD), Weqfa Heqanê Merdiman a Tirkîya (TÎHV),  Baroya Amedî, Odaya Tabîban a Amedî (DTO) û Înîsîyatîfê HAKî  banê îHDyî yê Amedî derheqê grevê vêşanîye de beyanat da.

Beyanat de Hemserekê ÎHDyî yê Amedî Abdullah Zeytunî qisey kerd. Zeytunî vist vîrî ke grevê vêşanîye di mengî xo dima verdayî  û vat: ''Rîyê sîstemê otorîterî û hukmo ke bi destê îqtîdarî têgêreno hûmara tepişteyan zêdîyena. Vera caardişanê keyfîyan ê ke heme heqanê tepişteyan binpay kenê grevê vêşanîye dîya destpêkerdene. Seba ke ma çalakîyanê verênan ra zî zanê na çalakî de rîskê girdî estî.

Zeytunî îfade kerd ke,  Ganî vera tecrîd, caardişanê înfazanê bêadîlan û binpaykerdişê heqan cade gamî bêrê eştene ke tepişteyî heqanê xo yê huqûqîyan bişuxulnê. Eke waştişê tepişteyan merê ca netîceya ci bena giran Reyna ma veng danê tepişteyan zî û înan ra wazenê ke wa greva xo biqedînê.''