Torra Ziwan û Kulturê Kurdan û Platformê Ziwanê Kurdkî bi wesîleya 21ê Sibate Roja Ziwanê Dayîke ameyî yewca û seba ke kurdkî biba ziwanê perwerde û fermîyî nîqaşî kerdî.

Torra Ziwan û Kulturê Kurdan û Platformê Ziwanê Kurdkî bi wesîleya 21ê Sibate Roja Ziwanê Dayîke ameyî yewca û seba ke kurdkî biba ziwanê perwerde û fermîyî nîqaşî kerdî.

Kombîyayîş qezaya Rezan a Amedî de ame kerdene. Hemserekê KCDyî Bedran Ozturk, Hemsereka DBPyî Salîha Aydenîz, Serekê Partîya Komunîste ya Kurdîstanî (KKP) Sînan Çîftyurek, Vervatoxê Têgêrayîşê Azadîye Ayetullah Aşitî, Serekê Partîya Demokrate ya Vakurê Kurdîstanî Sertaç Bucak, Vervatoxê Partîya Azadîye ya Kurdîstanî (PAK) Hanîfî Turan û xeylêk wekîlê HDPyî zî tewrê kombîyayîşî bîyî.

Hemsereka Komeleya Cigêrayîşanê Ziwan û Kulturî ya Mezopotamya (MED-DER) Şîlane Elmas Kan da zanayene ke înan seba ke tedayanê vera kurdkî ser o qisey bikerê ameyê yewca.  Kane seba averberdiş û şuxilîyayîşê kurdkî veng da.

Berdan Ozturkî bale ante girîngîya kurdkî ser û waşt ke partî û dezgehê kurdan hîna zaf giranîye bidê kurdkî ser. 

Sînan Çîftyurekî da zanayene ke ganî xebatê kurdkî bêrê zêdekerdene û vat: '' Ganî platformî bêrê ronayene û derheqê averberdişê kurdkî de agahîyî bêrê dayene kurdkî.  Kurdkî heta ke biba ziwanê fermî ganî têkoşîn dewam bikero.''

Qiseykerdoxanê bînan zî kombîyayîş de pêşnîyaz û fikrê xo pare kerdî.