Polîsan vê sibehê bi ser avahiyên MED-DER û Payîz Pirtûkê de girt û gelek kes hatin desteserkirin.

Nûçegihanê Rûdawê Maşallah Dekak ragihand ku îro li Amedê polîsan bi ser avahiya Komeleya Lêkolînên Ziman û Çandên Mezopotamyayê (MED-DER) û avahiya Payîza Pirtûkê girt.

Maşallah Dekak da zanîn ku gelek mamoste, xebatkar û rêvebirên MED-DERê hatine desteserkirin.

Hevserokê berê yê MED DERê Rifat Ronî, Hevserokê MED-DERê Mehmet Remzî Azîzoglu, Hevserokê MED-DERê Ramazan Holat Şukran Yakut û Birêvebira MED-DERê Dîlan Guvenç hatin desteserkirin.

Her wiha ji bilî van, Nazan Çelîk, Rezan Aktulum, Berîtan Gurbet Orak, Bêrîvan Duman, Ayhan Karatekîn, Belkis Bîtkîn Cîhat Guneylî, Mehmet Salih Ongun, Îlyas Gun û Hebûn Yagmur Mîne Karakaş jî hatin desteserkirin.

MED-DER li Amedê ji sala 2017an vir ve dersên zimanê Kurdî dide. 

Hat zanîn ku dê saet 12:00an li ber MED-DERê daxuyaniyeke çapemeniyê were dayîn.