Merkezê Xeberan- Çarçeweya operasyonan de e Amed û Agirî de xeylê kesî ameyî tepiştene.

Qezayanê Baglar, Pîran, Licê, Hênê û Karazî yê Amedî de yewîyanê taybetan ê Fermandarîya Cendirmanyan ê Bajarî  eşt 29 adresan ser û bi îdîaya ‘endamîya rêxistine‘ 17 kesî tepiştî.

Operasyonê Agirî de zî rojnameger Azîz Oruç, Hemserekê HDPyî yê Bazîdî Abdullah Ekebelek û Muhammet Îkram Muftuoglu ameyî destbendkerdene. Keyeyê Muftuogluyî bi kutikan ame cigêrayene. Wezîrîya Karanê Zereyî derheqê destbendkerdişan de eşkerayîyêk daye û rojnameger Oruç sey ‘terorîst’ name kerd.