Amerîka kena ke qasê 12000 eskeranê xo Almanya ra peyser bianca.

Wezîrê Pawitişî yê Amerîka Mark Esperî aşkere kerd ke, peyser ancîyayîşê eskeran do heta çend hewteyan dest pêbiko.

Mark Esperî îfade kerd ke, do hûmara eskeranê xo Almanya 36,000 ra biancê 24,000.

Esperî va, 12,000 eskeranê ma ra do 5600 hebî neqlê welatanê NATOyî bibê û 6400 eskerê ma zî do ageyrê Amerîka. Eskerê ma ke do mîyanê NATOyî de ca bigîrê, neqlê Belçîka û Îtalya bibê.

Serekê Amerîka Donald Trumpî aşma Hezîrane de vatbi, Ma do Almanya ra 9500 eskeranê xo peyser biance.

Trumpî Almanya semedê budçeya dana NATOyî rexne kirdbi.