Ajansa fermî ya Sûrîyê “SANA” belav kir, artêşa Amerîka binkeyeke leşkerî li navçeya Til Koçer a li parêzgeha Hesekê ava dike, ku balefirgehekî leşkerî jî li xwe digre.

Amaje bi wê yekê jî kir, Amerîka bi vê gave ve dixwaze hebûna xwe li Sûrîyê bihêztir bike û navçeyên petrolê jî zêdetir kontrol bike.

Ev di demekê de ye ku, Serokê Amerîkayê Donald Trump di  sala borî 2019an de biryar da hêzên Amerîkî ji Rojavayê Kurdistanê û Sûrîyê vekişîne, ku ew biryar bi êrîşa artêşa Tirkîyê li ser Rojavayê Kurdistanê û dagîrkirina Girê Sipî û Serê Kanîyê re hevdem bû.