Wezaretîya Karanê Teberî yê Amerîka dewleta Tirkîya îqaz kerd ke wa Rojhilatê Feratî rê operasyonêk nêkero. 

Verfekê Wezaretîya Karanê Teberî yê Amerîka Morgan Ortagusî va: Tirkîya kena ke Rojavayê Kurdistanî rê operasyon biko. Ma Tirkîya seba nêkerdişê operasyone îqaz kerda. 

Serekomarê Tirkîya Receb Tayîp Erdonganî vizêr Rojavayê Kurdistanî pê operasyona eskerî tehdîd kerbi û vatbi: Ma kewtî mîyanê Efrînî, Ma kewtî Cerablûs û Elbabî. Ma do nika zî bikewe Rojhelatê Feratî. Ma Rûsya û Amerîka ra zî vato. 

Wezaretîya Karanê Teberî yê Amerîka cewab da nê vateyanê Erdoganî û seba ke wa Tirkîya fek tehdîdanê xo  ra verado Tirkîya îqaz kerd. 

Beyanatê Amerîka de wina ame vatiş: Cayo ke Tirkîya vana ma do ci rê operasyone bike, uca de eskerê Amerîka û ortaxê Amerîka estê. Nê ortaxê ma nika uca de DAIŞ dir şer kenê. Coka ma wina yew operasyona Tirkîya qebûl nêkenê. Ma tirkîya ra wazenê seba ney çîyan ma dir pîya hereket biko. Gere Tirkîya goreyê sereye xo operasyone nêkero.