![Amerîka: Divê rêkeftina Şingalê bê cîhbicîh kirin](https://www.rupelanu.com/d/news/31560.jpg)
Amerîka: Divê rêkeftina Şingalê bê cîhbicîh kirin
.
Berdevkê Wezareta Derve ya Amerîkayê tekeziyê li ser bicihanîna rêkeftin û peymana Şingalê dike û dibêje, “Pêdivî ye ew rêkeftin û peyman bê bicihanîn ji ber ku girêdayî ewlehî û seqamgirî û avakirina Şingalê ye.”
Berdevkê Wezareta Derve ya Amerîkayê Matthew Miller di konferanseke rojnamevanî de got, “Rêkeftin û peymana Şingalê destpêkeke giring e ji bo haydarbûna ji wan kesan ên ku bûne qurbaniyên jenosîda sala 2014ê, lê ew rêkeftin û peyman heta niha wekî xwe maye û nehatiye bicihanîn, lewma jî em tekez dikin û pêdivî ye bê bicihanîn.”
Matthew Miller herwaha got, “Em daxwazê ji Hikûmeta Herêma Kurdistanê û Hikûmeta Iraqê her duyan dikin ku rêkeftin û peymana Şingalê bi cih bînin, ku ew rêkeftin û peyman girêdayî dabînkirina seqamgiriyê û avakirina wî bajarkî ye.”
Navbirî herwaha ragehand, “Em daxwazê dikin ku ewlehî û seqamgiriya Şingalê bi polîsên federalî û hêzên Iraqî bê spartin, xasma ew polîsên ku xelkê Şingalê ne, herwekî ku di naverokê wê rêkeftin û peymanê de hatiye û divê bên damezrandin.”
Ew daxuyaniya rojnamevanî ya Matthew Miller piştî civîneke taybet a Wezîrê Derve yê Amerîkayê Antonio Blinken ya bi hejmareke berpirsên rêkxistinên civaka sivîl a Êzidî û Xirîstiyan û çalakvanan re bû.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin