![Amerîka hewl dide Diyaloga Kurdî-Kurdî dest pê bike](https://www.rupelanu.com/d/news/31556.jpg)
Amerîka hewl dide Diyaloga Kurdî-Kurdî dest pê bike
.
Hewlên Amerîkayê ji bo ji nû ve danûstandinên di navbera aliyên siyasî yên Rojavayê Kurdistanê de dest pê bikin berdewam dikin.
Şandeyeke Amerîkayê li Qamişloyê dest bi hevdîtinan li gel aliyên Rojavayê Kurdistanê kiriye da ku amadekarî bên kirin ku ji nû ve diyaloga di navbera Encûmena Niştimaniya Kurd li Sûriyê (ENKS) û Partiyên Yekîtiya Niştîmanî ya Kurdî (PYNK) de dest pê bike.
Çavkaniyeke taybet ji Rûdawê re eşkere kir ku şandeeyeke Amerîkayê li gel ENKS civiyaye û ji wan xwestiye ku helwesta xwe bi zelalî û bê şert û merc ji rêkeftina bi PYNKê re diyar bikin.
Bi gotina wê çavkaniyê şandeyaa Amerîkayê pirs kiriye, “Hûn amade ne li gel PYNK rêkeftinê bikin?” û ENKSyê bi erênî bersiv daye.
Danûstandinên Kurdî-Kurdî li Rojavayê Kurdistanê, di navbera ENKS û PYNKyê de, gihiştine rêyeke girtî ku her aliyek aliyên din bi sedema rawestana danûstandinan tometbar dike.
Çi bûbû?
Bi navbeynkariya Fransa û Amerîkayê Partiyên Yekitiya Nîştimanî ya Kurdî (PYNK) û ENKSyê careke din li ser xalên “Peymana Dihokê” dest bi danûstendinan kiribû.
17ê Nîsana 2020î bi amadebûna Nûnerê Amerîkayê yê Rojavayê Kurdistanê William Roeback, Fermandarê Giştî yê HSDyê Mazlûm Ebdî û nûnerên PYNK û ENKSyê daxuyaniyeke hevbeş hatibû belavkirin.
ENKS û PYNKyê diyar kiribû ku qonaxa yekemîn a danûstandinan wan bi awayekî serkeftî bi dawî bûye û ew gihiştine nêrîneke siyasî ya hevbeş.
Her du aliyan ragihandin ku dê danûstandina a wan li ser bingeha "Peymana Dihokê" berdewam bike û wan tekez kir ku di rojên pêş de ew dê peymaneke giştî bi hev re îmze bikin.
Danûstendinên PYNK û ENKSyê di qonaxa duyem de ji ber nakokiyan xitimîbûn û bi dawî bûbûn.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin