Di komcivîneke li New Yorkê de, Bolton ji Îranê re got heke hûn zirarên bidin hevalbend û hemwelatiyên me, ew ê qiyamet rabe.

Bolton anî zimên "Ev rejîma ku mirinê dibarînin û peyrewên wan, heke helwestên xwe neguherînin, ew dizanin. Ev peyama min pir zelal e, em we dişopînin!" 

Li aliyekî din Wezîrê Derve yê Emerîkayê Mike Pompeo jî, li ser plana avakirina mekanîzmayeke nû ya welatên ku aliyên peymannameya Nukleerî ya bo berdewamiya danûstandina bazirganî digel rejîma Tehranê, got 'Ev xeteretirîn pengava li dijî aştî û biratiya herêmî û navneteweyî ye.'

Roja yekşemê di kanala Fox Newsê de, Pompeo, daxwaza hevdîtineke  bo Îranê kiribû ku yan ew bixwe yan jî Trumpî bi wan re bicive. Îranê jî ev daxwaz red kir û li ser êrîşa Ehwazê Emerîkayê sûcdar kir.