Kombîyayîşê Wezîranê Karanê Teberî yê NATOyî de Tirkîya rê rexneyê xurtî ameyî kerdene û Amerîka zî peyê xo da Tirkîya. Goreyê beşdaran Amerîka û Ewropa do vera Tirkîya ambargo bikerê.

Goreyê xeberêka AFPyî kombîyayîşê dîjîtalî yê NATOyî de rojdemo sereke Tirkîya bi. Beşdaranê kombîyayîşî ra Wezîrê Karanê Zereyî yê Amerîka Mike Pompeoyî pare kerd ke Anqara xeylê herêman de polîtîkaya krîzî kena û goreyê krîteranê NATOyî tênêgêrena.

Pompeoyî Tirkîya ra waşto ke 'wa abigêra tewirê mutefîqîye.' Pompeoyî seba hêrînayîşê S-400an ê Rûsya vera Tirkîya nêrazîbîyayîşê xo mojna. Goreyê AFPyî Wezîrê Karanê Zereyî yê Tirkîya Mevlut Çavuşogluyî pê rexneyan 'qayîl' nêbi.

Kombîyayîşî ra dima Serekkomarê Fransa Emanuel Macronî Sekreterê Pêroyî yê NATOyî Jens Stoltenbergî reyde pê telefonî qisey kerd û bale ante rewşa Tirkîya ser. Goreyê eşkerayîya Qesra Elysee pêvînayîş de wina ame vatene: ''Tercîhê stratejîkî yê Tirkîya qesawetan zêdînenê.''

Kombîyayîşê dîjîtalî de reya verêne Anqara bi hawayêkê fermî ameye sûcdarkerdene.

Wezîrê Luksemburgî Jean Asselbronî vat: ''Tirkîya leşkerê bimaeşî yê Sûrîye erşawitî Karabagê Corî.

Xeylêk welatan waşt ke semedê S-400, tewirê Dengizê Sipî, binpaykerdişê ambargoyê çekan ê Lîbya vera Tirkîya ambargo bêro caardene.

Seba caardişê ambargoyî ganî pêro welatî rey bidê. La heta nika Almanya tim vera ambargoyî vejîyaye.