Berdevkê Pentagonê Jonathan Hoffman, bi daxuyanîyekê ragihand: “Me hişyarî daye Rûsyayê û me ew agahdar kirîye ji reftarên wan ên metirsîdar û nelicih.”

Hoffman dîyar kir: “Em pêşbînî dikin her du alî dê vegerin rêkarên destnîşankirî bi mebesta xwe jêdûrxistina pevçûnên navbera karwanên me û parastina mafên xwe dema karwanên me rastî metirsîyê bibin.”

Amerîka, hêzên Rûsyayê bi "acizkerî" tohmetbar dike û di wê bawerîyê de ye ku serbazên hêzên Amerîkayê li Sûrîyê ji alîyê hêzên Rûsyayê ve hatine acizkirin.

Li hember wê, Wezareta Berevanîyê ya Rûsyayê tohmetên Pentagonê red kir û ragihand; hêzên wan pabendî wan rêkarên xwe parêzîyê ne, da ku xwe ji derketina pêşîya karwanên Amerîkayê biparêzin.