Rapora Wezareta Karên Derve ya Amerîkayê ya mafên mirovan a 2021ê ya di derbarê rewşa Sûriyê û Rojavayê Kurdistanê de hat belavkirin û tê de hat eşkerekirin, DAIŞ û komên girêdayî Tirkiyê, Kurdan dikin armanc.

Li gor rapora Rapora Wezareta Karên Derve ya Amerîkayê, komên çekdar ên ser bi Tirkiyê ve,  di îşkencekirin û revandina Kurdan de berdewam e.

Herwiha di raporê de hat eşkerekirin, Hikûmeta Sûriyê û DAIŞ bi berdewamî welatiyên Kurd dikin armanc.

Di beşeke din a raporê de hat diyarkirin, Hêzên Sûriya Demokratîk (HSD) kesan ku rexne lê digrin tên girtin.

Naveroka rapora Wezareta Karên Derve ya Amerîkiya wiha ye:

Hikûmeta Sûriyê

• Hikûmeta Beşar Esed û komên çekdar ên ser bi Tirkiyê ve û DAIŞ welatiyên Kurd kirine Armanc.

• Hizba Beis û Elewiyan her sê desthilatên Sûriyê, artêş û dezgehên istixbaratê kontrol kirine.

• Tu nûnerêkî Kurdan li Parlamena Sûriyê tune û ji aliyê Beis ve hatiye kontrolkirin.

• Rejîma Sûriyê berdewam e li ser sînordarkirina bikaranîna zimanê Kurdî û belavkirin û çapkirina bi Kurdî.

• Kurd çi yên xwedî nasname yan jî ew ê ku tune, rûbirûyî cudakarî û serkutkirina fermî û civakî dibin.

• Hikûmet, opozisyon û DAIŞ berdewam bûn li ser girtin, îşkencekirin û kuştina Kurdan.

• Komên ser bi hikûmeta demkî ku Tirkiyê piştevaniya wê dike, dest bi girtin, lêdan û revandina jinên Kurd li Efrîn û Serê Kaniyê kiriye.

• Hejmareke zêde ya Kurdên Sûriyê bê nasname ne û zarokên wan nikarin bawernameyên dibistan, zanîngehan bidest bixin û nayên damezrandin.

Komên Çekdar

• Tu sînorekî diyarkirî ji bo hêzên cuda tune û bi awayekî bêserûber destwerdanê di Karûbarê serbazî de dikin.

• Şam, Opozisyon û DAIŞ dijayetiya Kurdan dikin.

• Komên ser bi Tirkiyê ve, 237 kes girtine, 133 kes heya niha wenda ne, di nava wan de jin û zarok hene.

• Komên çekdar kesên ku di saziyên Rêveberiya Xweser de kar kiribin yan jî pêwendî bi HSD re hebin, digirin.

• Hikûmeta demkî Lêkolîn li tawanên dizîna otomobîlan û heya kuştina welatiyan nekiriye.

• Sîstema dadwerî ya hikûmeta demkî ji aliyê Tirkiyê ve tê destnîşankirin û mûçeyên wan jî bi lîreyê Tirkî ye.

• Çekdarên ser bi Tirkiyî gefa stendina bac li xelkê Efrîn û Serê Kaniyê dikin, xelkê direvênin û îşkence dikin.

• Belge hene ku komên ser bi Tirkiyê binpêkirinên dijî mafên mirov weke destdirêjiya seksî û corên din encam dane û ev tawanên şer in.

• Jinên Êzîdî û Kurd, li cem hikûmeta demkî sivkatî bi awayekî herî xerab tê kirin.

• Komên çekdar av li ser Heseke qut kirine

HSD

Herwiha di rapora Wezareta Karên Derve ya Amerîkayê de hat ragihandin ku HSDê çalakvan û karmendan rêkxistinên ne hikûmî û kesên din ên ku rexneyan lê digrin, desteser dike.