Merkezê Xeberan - Artêşa Tirkîya mîyanê şewe saete 00:00 ra dima Şingal, Kampa Multecîyan a Şehîd Rûstem Cûdîyî û Herêmanê Pawitişî yê Medya rê hêrişê hewayî kerdî.

Hêrişê vera Mexmûrî 40 deqayan dewam kerd. Bombardumanî ra dima teyarayê keşfî bi saetan serê herême ra gêrayî.

Teyarayanê şerî yê tirkan heman wextî de hêrişê Şingalî, Xanesor û Nêweşxaneyê Serdeştî kerd. Goreyê zanayîşanê destpêkan hêrişê vera Şingalî de birîndarî estê.

Hêrişê vera Mexmûrî 40 deqayan dewam kerd

Hêrişê vera Mexmûrî waranê sivîlan de saete 00:00 de dest pêkerd û heta 00:40 dewam kerd. Koyê Qereçoxî û herêma Miştenûrî ser o bombayî ameyî varnayîş. Mexmûr de hêriş vera cayanê sivîlan ame kerdene.

Goreyê zanayîşanê destpêkan bombardumanê giranî de zerar nêresa kesêkî/e ser la erdê sivîlan û heywanî vêşayî.

Vengê bombardumanî şaristanê Dêrikî yê Rojawanî ra amêne eşnawitêne.

Hêrişê hewayî yê vera Şingalî de sivîlî birîndar bîyî.